Madaxweynaha dowladda Fedaraalka Soomaaliya Xasan Sheekh Maxamuud ayaa Cali Jeyte Cismaan u magacaabay inuu noqdo u qeybsanaha xafiiska madaxweynaha ee arrimaha ciidanka Difaaca dadweynaha ee loo yaqaano Macawisleyda Soomaaliya.
Magacaabistaan ayaa lagu shaaciyay qoraal kooban oo lagu baahiyay warbaahinta dowlada, waxaana xusid mudan in magacaabista Cali Jeyte Cismaan ay kusoo beegmeyso, iyadoo uu horay u sheegtay inuu yahay madaxweynaha maamulka Hiiraan State.
Lama oga inuu Cali Jeyte Cismaan uu aqbali doono iyo inuu diidi doono xilkaan cusub ee loo magacaabay, kaasoo haduu aqbalo meesha ka saari doono jiritaanka maamulkii uu madaxweynaha ka ahaa ee Hiiraan State.