Madaxweynaha Dowladda Galmudug mudane Axmed Cabdi Kaariye ayaa oo maalmahan ku sugnaa Degmada Xarardheere ee gobolka Mudug ayaa kormeer ku tagay fariisamaha Ciidanka Xoogga Dalka iyo kuwa Daraawiishta Galmudug ee ku sugan deegaanada hoostaga Degmada Xarardheere.
Madaxweynaha ayaa ciidamada qalabka sida ku bogaadiyay guulaha ay ka gaareen howlgalada lagu ciribtirayo Al-shabaab.
Ciidamadda Dowladda Federaalka Soomaaliya, kuwa Galmudug iyo Ciidamadda Deegaanka ayaa ku guuleystay bilowgii bishaan in dagaalyahanadda Al-shabaab ay ka saaraan deegaano badan oo ka tirsan Maamulka Galmudug,sida Degmooyinka Xarardheere, Ceel-dheer, iyo Galcad oo shabaab sanado ay ku sugnaayeen.
Madaxweynaha Maamulka Galmudug Axmed Cabdi Kaariye (Qoor-qoor), ayaa sheegay in Galmudug ay dhawaan soo gaba-gabeyn doonto dagaalka Al-shabaab,wuxuuna shacabka ugu baaqay in garab istaago Ciidamadda Dowladda iyo kuwa Galmudug.
Dagaalyahanadda Xarakadda Al-shabaab ayaa haatan ku sugan deegaano fara ku taris ah oo ka tirsan Galmudug,sida degmooyinka Ceelbuur iyo Galhareeri oo kamid ah deegaanadda maamulka Galmudug gacanteeda ka maqan.
