Wararka aan ka helayno deegaanada maamulka puntland ayaa waxa ay kusoo waramayaan in weerar madaafiic loo adeegsaday xubni ka tirsan dagaalamayaasha al-shabaab ay ku qaadeen tuulada Galgala ee hoostagta buraleyda calmadow ee gobolka bari
Ku dhawaad 20 madfac ayaa la sheegay in al-shabaab ay ku garaaceen Buuraleyda galgala
Waxaana la tilmaamay in khsaare kala duwan uu ka dhashay weerarkaan madaafiicda ah
Inta la xaqiijiyay Hal askari oo ka tirsanaa ciidamada maamulka puntland ayaa ku geeriyooday madaaficdaasi iyadoona la sheegay in qasaaruhu uu intaasbka badan karo oo tira koob rasmi ah aan la sameyn
Tuulada Galgala waxaa dagan dad tiradoodu aysan badneyn oo shacab ah iyo ciidamada maamulka puntland oo saldhigyo ciidan halkaasi ku leh
Al-shabaab iyo ciidamada puntland ayaa inta badan ku dagaalama deegaanada dhaca buuraleyda Galgala iyo Calmadow iyadoona labada dhinac ay guulo ka kala sheegtay howlgalo iyo weeraro toos ah oo halkaasi laga fuliyay
Sidookale Tuulada Galgala ayaa waxa ay ciidamada puntland gacantooda soo gashay oo ay qabsadeen bishii ogosto 2014
Markaas oo la sheegay in ay kala wareegeen dagaalamayaasha al-shabaab