ciidamo ka tirsan kuwa daraawiishta maamulka jubbaland ayaa waxa lagu soo waramayaa in howlgalo qorsheysan ay ka fuliyeen magaalada kismaayo ee xarunta gobolka jubbada hoose
howlgaladaan ayaa waxa la sheegay in ay yimaadeen kadib markii mudooyinkii dambe ay kordheen falal amni daro iyo dilalka qorsheysan ee ka dhacaya gudaha magaalada kismaayo oo xarun kumeel gaara u ah maamulka jubbaland islamarkaasna hada ah xurunta uu maamulku ku shaqeyo .
maamulka degmada kismaayo ayaa waxa ay sheegeen in iyaga oo ka jawaabaya arintaasi ay bilaabeen howlgalo lagu xaqiijinayo amniga islamrkaasna ay kaga hortagayaan amniga magaalada oo sii xumanaya mar marka ka dambeysa
Gudoomiye ku xigeenka amniga iyo siyasada maamulka magaalada kismaayo Cabdullaahi Maxamed Cabdi oo ka warbixiyay howlgaladaani ayaa waxa uu sheegay in ay ciidamada mamaulka jubbaland ay wadaan howlgalo balaaran iyo baaritaano dhowr ah kuwaas oo ay ku baadigoobayaan dad xiliyada qaar magaalada kimaayo ka geeysta dilal qorsheysan.
gudoomiyaha ayaa waxa uu tilmaamay in hada ay gacanta ku hayaan dad la tuhmayo islamarkaasna ay cadaalada horgeydoonaan kuwa kale oo maqana ay rajeynayaan in goordhaw ay gacanta kusoo dhigaan.
sidookale gudoomiyaha oo sii hadlayay ayaa waxa uu sheegay in ay u baahanyihiin in shacabka magaaladu ay garab istaagaan ciidamada daraawiishta jubbaland taasi ay fududeyn karto in lasoo afjaro dad amnidarada ka wada gudaha magaalada kismaayo.
hadalka masuulkaan ka tirsan maamulka jubbaland ayaa waxa uu imaanaya xili saacadii lasoo dhaafay ay dilal qorsheysan iyo falal amni daro ay ka dhacayeen magaalada kismaayo balse maamulka jubbaland ayaa xusay in arintaasi ay hada talaabo u qaadayaan islamrkaasna ay wadaan howlgalo iyo baaritaano amniga lagu sugayo