Shirkii dhaqaalaha adduunka oo lagu soo geba gebeeyey magaalada Davos ee Dalka Switzerland ayaa muhiimad gaar ah u lahaa Soomaaliya,iyadoo raiisul Wasaaraha Soomaaliya uu shirkaasi ku soo bandhigay hiigsida Dowladda oo ay ugu weyntahay in Soomaaliya ay ku soo notoqo saaxada Caalamka iyo in ay dib u soo celiso sumcadii ay ku lahayd Dunida.
Danjiraha Soomaaliya ee Dalka Switzerland Faadumo C/llaahi oo u waramaysay warbaahinta Qaranka ayaa faah faahin ka bixisay waxyaabaha ugu muhiimsan ee shirkaasi ka soo baxay iyo ee quseya arrimaha Soomaaliya.
Marwo Faadumo C/llaahi ayaa sheegtay in madaxdii ka qeybgashay shirkaasi ay muujiyeen in ay diyaar u yihiin maalgashi ay ku sameysataan Soomaaliya,maadaama dalka uu yahay dal Qani ku ah dheyraadka kaladuwan,sida Xoolaha,Badda,iyo beeraha intuba.
“Shirka wuxuu ahaa mid muhiimada gaar ah u lahaa Soomaaliya,waxaan ku cadaynay in Soomaaliya ay dib ugu soo laabatay saaxadda Caalamka,ay na arkaan madadxad dowlado badan warbixinada ku saabsan xaaladda dalka,waxaan u sheegnay in aan u imaanin shirkaasi in aan kaalmo werydiisano,balse waxaan u sheegnay in aan diyaar u nahay in maalgashi iyo horumar laga sameeyo dalka”, ayay tiri Safiir Faadumo.
Ra’iisul Wasaaraha Xukuumadda Federaalka Soomaaliya mudane Xasan Cali Khayre oo khudbad ka jeediyay shirkaasi ayayay sheegtay Danjire Faadumo C/laahi in uu ku soo bandhigay waxyabaah u qabsoomay Dowladda Soomaaliya iyo yoolka ay hiigsanayso,waxayna sheegtay in ay madaxdii caalamku ay ku qanceen warbixinta halkaasi uu ku soo bandhigay ra’iisul Wasaaraha Soomaaliya.