Waxaa Maanta oo Sabti ah taariihdana ay ku beegan tahay 30/9/2017 lagu wadaa in Xariga Laga Jaro oo si rasmi ah loo furo Saldhiga Africa ugu weyn ee Turkiga ay Ka dhiseen Soomaaliya.
Waxaa Xafladda Furitaanka dhanka Dowladda Turkiga Umatalaya Taliyaha Ciidamada Xooga Dalka Turkiga Iyo Saraakiil Kala duwan ee Ka socta dalka Turkiga oo Shaley Magaaladda Muqdishu Soo Gaarey
Dhanka kale Somaaliyana Waxaa U matalaya Taliyaha Ciidamada Xooga Dalka Soomaaliya Jeneraal Cirfiid iyo Saraakiisha Ciidamada ugu Sareysa dalka.
Saldhiga Milateri ee Turkiga ka dhistay magaalada Muqdisho ee Caasimadda Soomaliya, ayaa dhawaan loo dhameeyay dhamaan adeegyadii lagama maarmaanka u ahaa.
Saldhiga ayaa markii u horeysay lagu arkay gaadiidka gaashaaman ee Ciidamada Turkiga, waxaana gudaha xerada ammaankeeda sugaya Ciidamo Turkish ah oo dhowaan Muqdisho la keenay.
Dhismaha Xeradan Milateri ayaa ku taal dhanka xeebta, wadada aada Jazeera, waxaana magaalada Muqdisho ay u jirtaa illaa 3KM.
Dhismaha ayaa ka kooban dhowr qeybood, sida dhismayaal kala duwan oo ay seexanayaan askarta la tababaro, masaajid, guryaha saraakiisha iyo Ciidamada Turkiga.