Wararka Magaalada Kismaayo ee Gobolka Jubada Hoose naga soo gaaraya ayaa sheegaya in saakay Magaaladaas ay ka socdaan Howlgalo baaritaano ah oo la sheegay in loogu hortagayo gaari waxyaabaha qarxa laga soo buuxiyay oo la doonayo in lagu qaxyiyo Xarumaha maamulka Juba-land ee Magaalada Kismaayo.
Wariyaha Magaalada Kismaayo ee idaacada simba Saabir C/qaadir ayaa kusoo waramaya in ciidamo ka tirsan kuwa maamulka juba-land iyo ciidamada Kenya ay iska kaashanayaan howlgalka loogu hortagayo gaari la sheegay in waxyaabaha qarxa laga soo buuxiyay oo dhawaan la geeyay Magaalada Kismaayo ee Gobolka Jubada Hoose.
Dhanka kale Mas’uuliyiin ka Tirsan maamulka Juba-land aynu la xiriirnay ayaa ka gaabsaday in ka hadlaan howlgalkaan saakay ka socda Magaalada Kismaayo ee Gobolka Juba-land Hoose oo lagu doonayo in lagu fashiliyo gaari waxyaabaha qarxa laga soo buuxiyay oo dhawaan la geeyay Magaalada Kismaayo.