Wasaarada amniga Gudaha xukuumada soomaliya ayaa sheegtay in dar-dargalin doono sugidda amniga caasimada muqdisho kadib weerarkii xalay dhacay.
Afhayeenka Wasaaradda Amniga Gudaha Cabdikaamil Macalin Shugri oo warbaahinta la hadlay ayaa sheegay in wasaarada amniga gudaha xukuumada soomaliya ay dardargalin doonto howlaha amni xaqiijinta isagoo ugu baaqay shacabka ku nool caasimada in ay laamaha amniga ka gacan siiyan sugida amniga.
“wasaarada amniga Gudaha waxa ay dar-dargalin doontaa howlaha amni xaqiijinta caasimada Muqdisho iyo la dagaalanka raga ka tirsan al-shabaab ee doonaya qalqal galinta amniga caasimada ayuu yiri afhayeenka wasaarada amniga.
Cabdikaamil Macalin Shugri waxa uu sidoo kale sheegay in ciidamada Hay’ada Nabad sugida iyo sirdoonka qaranka dowlada soomaliya ay ku guuleysteen ka hortagida weerarkii xalay dhacay isagoo hadalkiisa ku daray in ay dileen ragii weerarka soo qaaday.