Wasiirka Warfaafinta dowlada soomaliya Mudane Maxamed cabdi Xayir Maareeye ayaa ka Hadlay arimaha shirka Maamul u sameynta Hiiraan iyo shabeelaha dhexe oo Hakad ku Yimid
Isagoona warbaahinta la Hadlay ayuu sheegay Wasiirka warfaafinta dowlada soomaliya Mudane Maxamed cabdi Xayir Maareeye in dhamaadka sanadkaan la dhameystiri doono shirka Maamul u sameynta Gobolada Hiiraan iyo shabeelaha dhexe
Wasiir Maareeye ayaa sheegay in markii hore qorshaha uu ahaa in bisha November la soo xulo ergooyinka iyo Baarlamaanka, si doorashada Madaxweynaha loo qabto, hase ahaatee ay dib u dhigeen muranno iyo waxyaabo kale oo xiligaas jiray
Wasiirka Warfaafinta ayaa sidoo kale sheegay in dowlada soomaliya ay Go’an Tahay dhaqan Galinta Qodobadii kasoo baxay shirkii shalay lagu soo Gabagabeeyay Magaalada Muqdisho ayna xukuumada Guddi Farsamo dhawaan u diro doonto Gobolada si ay kulamo ula qaataan qaar kamid ah dadka daga Gobolada dalka soomaliya
Wali waxaa Hakad ku jira in la amba qaado arimaha shirka Maamul u sameynta Gobolada Hiiraan iyo shabeelaha dhexe iyadoo waqtiga lagu heshiiyay uu ahaa 7-dii September bishii aynu soo dhaafnay