Inta la xaqiijiyay afar ka mid ah Saraakiisha Booliska Mareykanka, ayaa waxaa xalay lagu dilay Magaalada Dallas ee Gobolka Texas, iyadoo toddobo kalana lagu dhaawacay.
Saraakiisha la dilay ayaa la sheegay in dilkooda uu yimid kadib markii ay banaanbaxyo rabshado wata ay ka dhaceen Magaalada Dallas ee Gobolka Texas, waxaa dilka saraakiisha sidoo kale lagu eedeeyay in ay ka dambeeyeen Shufto.
Isu soo baxaan, ayaa ka dhashay dilal laba nin oo madow ahaa maalmo ka hor loogu gaystay Gobolada Louisiana iyo Minnesota, taasoo dhalisay in Magaalooyinka Mareykanka qaarkood ka dhacaan bannaanbaxyo looga soo horjeedo Booliska.
Muqaalo lasoo bandhigay ayaa lagu arkay nin ku hubeysnaa qori nooca darandooriga u dhaca, oo kamid ahaa dadkii banaanbaxa dhigayay.
