Madaxweynaha Jamhuuriyada Soomaaliya Mudane Xasan Shiikh Maxamud, Guddoomiyaha Baarlamaanka Maxamed Shiikh Cusmaan Jawaari, Wasirro, iyo xildhibaanno ka tirsan dowladda ayaa boqollaal dadweyne ah oo ka kala yimid degmooyinka Gobolka banaadir ayaa maanta salaadii Ciida ku Dukaday Masjidka Isbaheysiga Islaamka ee mgaaalada Muqdisho.
Salaada kadib Madaxweynaha Jamhuuriyada Soomaaliya Mudane Xasan Shiikh Maxamud, ayaa khudbad dhinacyo badan taabanaysa u jeediyay dadweynihii salaadii Ciida ku Dukaday Masjidka Isbaheysiga Muqdisho.
Madaxweyne Xasan Sheekh Maxamuud, oo ku dheeraadey ka haddalka marxaladda amni ee dalka iyo dagaalka lagula jira nabad-diidka, ayaa sheegay in shacabiga Soomaaliyeed looga baahan yahay in ay ilaaliyaan dadka, dalka iyo Diinta, isagoo ca,baareeyay argagixisadii weerarka ku qaaddey Masjidka barakeysan ee uu ku aasan yahay Nabi Muxamed (NNKH).
Dhanka kale Madaxweyne xasan sheikh Maxamuud oo soo hadal qaaday arrimaha Doorashooyinka dalka ka dhacaya ayaa sheegay in soomaliya ay qaadeyso wadadii guusha islamarkaana soomalida loogu baahan yahay in ay ka shaqeeyaan nabadda iyo hormarka dalka.
