Madaxweynaha Maamulka Puntland Dr C/wali Maxamed Cali Gaas iyo wafdi uu Hogaaminaayo ayaa maanta la filayaa in ay soo gaaraan Magaalada Muqdisho ee Caasimada Soomaliya,
Ujeedka safarka uu Madaxweynaha Maamulka Puntland Dr Gaas ku imaanayo Magaalada Muqdisho ayaa Lagu sheegay ka qeyb galka shirka Lagu go’aamin doono doorashada soomaliya ka dhacaysa sanadkaan 2016-ka.
Madaxda Dowlada soomaliya iyo kuwa Maamul Goboleedyada dalka ayaa wali isku qilaafsan nooca dooorasho ee soomaliya ka dhacaysa sanadkaan 2016-ka iyadoo sidoo kale la isku qilaafsan yahay halka lagu marti galin doono shirka doorashada lagu go’aamin doono.
Dhanka kale Madaxweynaha Maamulka Juba-land axmed Maxamed Islaam axmed Madoobe oo dhawan warbaahinta kula Hadlay Magaalada Kismaayo ee Gobolka Jubada Hoose ayaa sheegay in kismaayo ay tahay halka lagu go’aamin doono doorashada soomaliya ka dhacaysa,