Hawlgalka Midowga Afrika ee Soomaaliya (Amisom) ayaa laga yaabaa inay helaan saddex bilood oo dheeraad ah oo ay ku joogaan Soomaaliya, si ay waqti u siiyaan dhinacyada ay uga wada xaajoodaan mustaqbalkooda fog haddii Golaha Ammaanka ee Qaramada Midoobay u codeeyo habeenka Arbacada ah.
Qaraarka saddex bilood loogu daray Amisom, oo waqtigeedu uu ku eg yahay 31-ka December, ayaa loola jeedaa in laga fogaado gaabis ku yimaada kala wareejinta Howlgalka, iyadoo Somaliya iyo Midowga Afrika ay ku mashquulsan yihiin dhismaheeda mustaqbalka.
Waxay ka dhigan tahay in 15-ka xubnood ee Qaramada Midoobay ay fasaxayaan joogitaanka Amisom ilaa ugu yaraan bisha Maarso ee sanadka soo socda si ay u sugaan heshiis rasmi ah oo u dhexeeya Dowladda Soomaaliya iyo Midowga Afrika oo ku saabsan Howlgalka.
Dhaqan ahaan, qaraarka noocan oo kale ah wuu gudbi karaa haddii mid ka mid ah shanta xubnood ee joogtada ah: France, US, UK, Russia iyo China, ay diidaan diidmada qayaxan iyo sidoo kale ugu yaraan sagaal xubnood ay ayidaan.
Amisom oo ka kooban ciidamada Kenya, Itoobiya, Burundi, Uganda iyo Jabuuti, ayaa Soomaaliya ku sugnaa tan iyo sanadkii 2007 markaasoo ay gacan ka geysteen sidii loo soo dhisi lahaa dowlad ku meel gaar ah oo xilligaasi jirtay.
Iyagoo loo aaneynayo inay gadaal ka riixayaan al-Shabaab, waxay gacan ka geysteen xoreynta magaalooyin dhowr ah oo Soomaaliya ka mid ah oo ay ku jirto magaalada dekedda leh ee Kismaayo.
Si kastaba ha ahaatee, dadka dhaliila ayaa ku eedeeyay in dib u dhiska hay’adaha Soomaaliya ay ka dhigtay Soomaaliya ku dhawaad in ay ku tiirsanaato AMISOM howlaheeda gaarka ah.
Horraantii sanadkan, Golaha Ammaanka ee Qaramada Midoobay ayaa kordhiyey muddada hawlgalka Amisom laga bilaabo Febraayo ilaa Diseembar 2021 si loogu oggolaado in laga doodo mustaqbalkeeda, taas oo sidoo kale ay ku jiri karto dib u eegis fikradda hawlgallada (conops) ee Midowga Afrika iyo Soomaaliya.
<span;>Haddii arrimuhu si fiican u dhaceen, waxay ahayd in go’aan Koonsilku gaaro bisha Oktoobar ee sanadkan.