Xili saacadihii lasoo dhaafay Dagaal xoogan oo khasaaro kala duwan dhaliyay uu ka dhacay Magaalada Boosaaso xarunta ganacsiga maamulka Puntland ayaa durbadii waxa soo baxaya dhaliilo loo jeedinayo hogaanka ugu sareya maamulka Puntland
Siyaasiyiinta kasoo jeeda Puntland ayaa waxa ay si aad ah dagaalkaan iyo hurintiisa ugu eedeeyeen madaxweynaha Dowlad Goboleedka Puntland Saciid Cabdulaahi Dani
Waxaana ay sheegeen in ay fiicneyd in aan la qaadin talaabo khasaaro iyo burbur uhorseedaysa Maamulka Puntland oo aan horay deegaanadooda looga baran dagaalo tuus ah oo magaalooyinka waaweyn ah
Xildhibaan Saleebaan Faarax ciise oo horay uga soo mid noqday barlamaanka Puntland ayaa nasiib daro ku tilmaamay barakaca iyo colaada ka bilaabatay Magaalada Boosaaso
Waxaana uu sheegay in dagaal uu yahay mid uu wado madaxweynaha Puntland isagoo xusay in markii horeba lagu guuleystay in xiisada si nabdoon iyo wadahal lagu xaliyo islamarkaasna wax laga xumaado uu ku tilmaamay in xalka loo arko qori caaradiisa.
Xildhibaan suleeybaan ayaa waxa uu sheegay in madaxweyne isagu uu bixiyay Amarka lagu weerar ciidanka PSFta islamarkaasna uu qaadayo mas’uuliyadda iyo waxkasta oo soo gaara shacabka Puntland
Hadalka Xildhibaanka ayaa imaanaya xili shalay si toos ah ay magaalada boosaaso ugu dagaalameen ciidamo ka wada tirsan Puntland dagaalkaasi oo dad shacab ah ay ku waxyeeloobeen