Ugu yaraan 155 qof ayaa ku dhintay dalka Tanzania ka dib markii roobab mahiigaan ah oo lala xiriiriyay El Nino ay ka dhasheen daadad iyo dhul go’, sida uu sheegay ra’iisul wasaaraha dalkaasi.
Tansaaniya iyo dalalka kale ee Bariga Afrika — oo ah gobol si aad ah ugu nugul isbeddelka cimilada — ayaa waxaa ku dhuftay roobab ka culus kuwii caadiga ahaa inta lagu guda jiro xilli-roobaadka hadda, iyadoo dhowr darsin ay sidoo kale ku dhinteen Kenya.
Ra’iisul Wasaare Kassim Majaliwa ayaa sheegay in in ka badan 200,000 oo qof ay saameysay musiibada ka dhacday Tanzania, iyadoo 155 ay ku dhinteen 236 kalena ay ku dhaawacmeen.
“Roobabka El Nino oo aad u xooggan oo ay wehliyeen dabeylo xooggan, daadad iyo dhul go’ay meelo kala duwan oo dalka ah, ayaa geystay khasaare weyn,” ayuu Majaliwa u sheegay baarlamaanka.