Wararka aan ka helayno gobolka galgaduud ayaa waxa ay kusoo waramayaan in dagaal u dhexeya labada maleeshiya beeleed uu ka dhacay deegaan ka tirsan gobolkaasi
Dagaalkaan oo ahaa mid xoogan ayaa waxa uu u dhexeeyay laba beelood oo walallo ah oo wada dagan deeegaanka baxdo ee gobolka galgaduud
Waxaana dadka deegaanku ay kusoo waramayaan in dagaalkaan uu ka dhashay qasaare kala duwan oo iskugu jira dhimasho iyo dhaawac uu ka dhashay
Inta la xaqiijiyay dagaalkaan laba ruux ayaa ku geeriyootay halka sadax kalana ay ku dhaawacmeen
Waxaana la sheegay in haatan ay socdaan wan wan lagu xalinayo dagaalka labada beelood
Iyadoona qeybaha kala duwan ee bulshada iyo wax garadkuba la sheegay in ay ku bexeen joojinta dagaal beeleedka ka bilowday deegaanka baxdo
Wali majirto wax war ah oo kasoo baxay maamulka galmudug oo lagu faahfaahginayo khasaaraha ka dhashay dagaalkaasi
Ciidamada dowladda gaar ahaan qeybta 21 aad ayaa la filayaa in ay kala dhexgalaan dagaalka labada beelood oo la sheegay in xiisada ka dhalatay ay wali ka taagan tahay deegaankii lagu dagaalamay