Warar dheeraad ah ayaa kasoo baxaya weerar khasaare kala duwan geeystay oo saacadiihii lasoo dhaafay ka dhacay duleedka degmada Baydhabo ee gobolka bay
Weerarkaan ayaa waxa la sheegay in uu ahaa mid xoogan oo lagu qaaday saldhig ciidamada maamulka koonfur galbeed ay ku lahaayeen duleedka magaalada beydhabo
Dad goobjoogayaal ah ayaa waxa ay sheegeen in ay maqlayeen dhawaqa rasasta ay isweydaarsanayeen labada dhinac balse aysan xaqiijin Karin qasaaraha ka dhashay weerarkaasi
Waxaana lagu soo waramayaa in khasaare kala duwan oo iskugu jira dhimasho iyo dhaawac uu ka dhashay ee kaan ka dhacay fariisimo ay ku sugnaayeen ciidamada maamulka koonfur galbeed
Al-shabaab ayaa sheegtay masuuliyada weerarka lala beegsaday ciidamada maamulka koonfur galbeed ,waxaana ay sheegeen in qasaare ay ku gaarsiiyiin ciidamadaasi
Al-shabaab ay barahooda dhinaca interneetka ku baahiyaan waxa ay ku sheegteen in weerar kaasi ay qaadeen xubno ka tirsan islamarkaasna waxa ay sheegeen in ay ku dileen Saddex askari oo ka tirsanaa ciidamada daraawiishta mamaulka koonfur galbeed
Sidookalena al-shabaab ay sheegeen in weerarkaas ku qabsadeen afar qori oo noocdu yahay AK47.
Weerarkan ayaa kusoo aadaya xilli al-shabaab ay guulo ka sheegteen weerar qarax ay ka fuliyeen degmada Jannaale shabeelada hoose kaasi oo ay sheegeen in ay ku dhaawaceen Saddex askari dowlada federaalka.