Guddoomiyha Golaha shacabka Jamhuuriyadda Federaalka Sooomaaliyeed ayaa maanta kulan xafiiskiisa kula qaatay xubno ka socday Beesha Caalamka iyo qaar ka mid ah musharaxiinta u tartamaysa xilka madaxweynaha ee ku midoobay Golaha musharaxiinta, iyagoo kawada hadlay arrimaha doorashada.
xubnaha ka socday Golaha musharaxiinta u tartamaysa xilka madaxweynaha dalka ayaa guddoomiyaha golaha shacabka u soo gudbiyey in doorashadda madaxweynaha loo sameeyo habraac daahfuran, si looga bad-baado musuq maasuq iyo wax si dabo marin, waxayna gudoomiye ugu hamabalyeeyeen guusha uu ka gaaray tartankii uu galay.
Sidoo kale waxey usoo gudbiyeen gudoomiyaha golaha shacabka in musharaxiintu u sinadaan adeegsiga warbaahinta qaranka iyo in doorashadda lagu qabto meel amnigeedu sugan yahay.
Gudoomiyaha golaha shacabka iyo dhinacyada kulmay ayaana isku fahmay waxyaabihii kulanka looga hadlay
