Dowladda turkey-ga ayaa ugu deeqday Taliska Ciidanka Asluubta Soomaaliyeed labo bas nooca aan rasaasta Karin, waxaana basaskaas lagu wareejiyay Safaarada Turky-ga ee Soomaliya ku leedaha Magaalada Muqdisho
Safiirka Dowladda Soomaaliya ufadhiya dalka turkiya Ambassador Cabdulaahi Sanbololshe ayaa wuxuu ka gudoomay dowladda Turky-ga deeqda baabuurta ah,oo ah mid maxaabista lagu qaadi doono aya ah mid aan rasaastu karin.
Dhanka kale Taliyaha Ciidanka Asluubta Soomaaliyeed S/guud Bashiir Maxamed Jaamac,ayaa sheegay in Basaska aan xabadi Karin ay u qorsheeyeen markii ay si toos ah Taliska uu ula wareego in lagu qaado Maxaabiista Xilliga la geynayo Maxkamadaha ,waxaana uu Dowladda Turkiga uu uga mahad celiyey Taageerada ay la garab taagan yihiin Ciidanka Asluubta Soomaaliyeed.
Bassaskan ayaa noqon doona nooci ugu horeeyay ee Dalka Soomaaliya laga isticmaalo kaaso loogu adeegi doono maxaabiista ku xiran xabsiyada.
