Wararka ka imaanaya Deegaanka Buulo Fulay oo ka tirsan Gobolka Baay, ayaa ku waramaya in Xarakada Al Shabaab in dil toogasho ah ay fulisay Wiil dhalinyaro ah oo lagu magacaabi jiray Bashiir Janow Xasan , kaasi oo da’diisa lagu sheegay 20-sano jir.
Dilka Bashiir ayaa yimid kadib markii maxkamada Shabaabka ee Gobolka Baay ee Koonfurta dalka Soomaliya ay dil ku xukuntay, iyadoo maxkamada ay sheegtay horay inuu dil u geystay Bashiir.
Bashiir ayaa lagu eedeeyay inuu dilay Cabdi Majiid Macalin Maxamuud, uuna ku dilay meel ku dhaw Magaalada Baydhabo ee Gobolka Baay waa sida ay xukmisay Maxkamadda Shabaab-ka ee Gobolka Baay.
Deeganada Al-shabaab ay ka arimiyaan waxaa laga fuliyaa falalka dilalka, gacan goynta, iyo Xukuno kale.