Maamulka Puntland ayaa beesha caalamka ka codsaday in laga gacan siiyo la dagaalanka Daacishta Somaliya ee billo ka hor looga dhawaaqay Buuraha Galgala ee Gobolka Bari ee maamulka puntland.
Taliyaha Ciidanka Puntland, General Saciid Maxamed Xersi (Saciid Dheere) oo wareysi gaar ah siiyay Telefishinka SKYNEWS, ayaa ugu baaqay beesha caalamka in maamulka puntland lagu taageero la dagaalanka daacish-ta dhawaan loogu dhawaaqay Buuraha Galgala.
“Puntland waxa ay beesha caalamka ugu baaqaysaa in lagu taageero la dagaalanka ururka daacish iyo al-shabaab oo awood badan ku yeelana deegaanada maamulka puntland ayuu yiri Taliyaha Ciidanka Puntland, General Saciid Maxamed Xersi (Saciid Dheere).
Hadalka Taliyaha Ciidanka Puntland, General Saciid Maxamed Xersi (Saciid Dheere) ayaa kusoo beegmaya xili maanta ciidamada puntand ay la wareegeen gacanta ku heynta gurigii uu Sheekh C/qaadir Muumin ka degnaa deegaanka Galgala.
