Xarakada al-shabaab ayaa mar kale soo bandhigtay sawirro muujinaya qaabka ciidamada al-shabaab ay u fuliyeen weerarkii Abaabulnaa ee 15-kii Bishii Janaayo ay ka geysteen Degmada Ceelcadde ee Gobolka Gedo.
Sawirada Shabaabka ay soo bandhigeen ayaa waxaa kasoo muuqday ruuxii fuliyay Ismiidaamintii lagu galay Irida Xerada deegaanka Ceelcadde, ruuxaasi oo Shabaab ay ku sheegen magaciisa Cabdul Qaadir Axmad Cali oo ku magac dheer (Farxaan).
Hogaanka al-shabaab waxa ay tilmaameen in ay weerarkaas ay ku dileen ku dhawaad 100-askari oo ka tirsanaa ciidamada Kenya wallow aysan dowlada Kenya aysan wali soo bandhigin tirade rasmiga ah ee kaga dhimatay weerarkii 15-kii Bishii Janaayo lagu qaaday xiro ay ciidanka Kenya ku lahaayeen deegaanka Ceel-cadde ee Gobolka Gedo.
Dhanka kale Al-shabaab waxa ay sidoo kale muqaalkooda ku muujinayeen in ciidamada Kenya ay mar walba dhibaato ku hayaan shacabka muslimiinta ee ku nool Gobolka woqooyi bari ee dalka Kenya.
