Midowga yurub ayaa sheegay in gabi ahaamba ay joojinayaan ciidanka Amisom ee ka socda dalka Burundi lacaga ay u qaateen mushaaradka lacagahaasi oo ay bixiyaan ururka midowga yurub.
Kulan ay ku yeesheen magaalada Nairobi ayaa midowga yurub ay ku go’aamiyeen sidoo kale in howl-galka Amisom laga joojiyo ciidanka ka socda dalka Burundi ee nabad ilaallinta u jooga soomaaliya.
Midowga yurub ayaa talaabadaan ay ciidanka Burundi kaga joojinayaan howl galka Amisom ku sheegay in lagu cadaadinayo dowlada madaxweyne Pierre Nkurunziza oo lacago badan ka hesha howlgalka Amisom ee nabad ilaalinta kaasi oo ka socda dalka soomaaliya.
Pierre Nkurunziza ayaa midowga yurub ay ku eedeeyeen in uu diiday in mucaaradka dalka Burundi uu wada hadalo la yeesho si loosoo afjaro colaadaha mudada ka jira dalkaasi Burundi.
Burundi ayaa soomaaliya ay ka joogaan ciidan gaaraya 5,400 oo ka mid ah howl-galka Amisom .
Midowga yurub ayaa sanad walba siiya dowlada Burundi lacag dhan 13 million oo dollar oo ay ku heleyso howlgalka Amisom owgiis.
Waxaa kaloo midowga yurub ay sigaar ah mushaar ugu siiyaan ciidanka ka socda Burundi ee gaaraya 5,400 lacago gaaaraya 52,million oo dollar.
Sidoo kale halkii askari ayaa mushaar ahaan u qaata bishii $.1,800
Howlka Amisom oo ay ka qeyb qaadanayaan 22,000 oo askari ayaa dalka Burundi waxaa uu ka mid yahay dalalkii ugu horeeyey ee ciidan u soo diray soomaaliya bilowgii sanadkii 2008-dii.