Ciidamada ilaaladda Xeebaha dalka Talyaaniga ayaa badbaadiyay qaar ka mid ah 900 oo Tahriibyaal ah oo ku xayirnaa biyaha Badda Mediterranean-ka kadib howlgal la sameeyay.
Saraakiisha ilaalada xeebaha Talyaaniga ayaa sheegay in inta badan dadka Tahriibayaasha ah lagu soo badbaadiyay habeenimadii xalay aheyd laba doonniyood oo alwaax ah oo kuwada safrayay xeebaha Libya iyadoo 40 qof laga soo badbaadiyay doon kale marka waagu beryay.
Dadka Ciidamada Talyaaniga ay badbaadiyeen waxa ay kala heystaan dhalashooyinka kala ah Eritrean, Bangladesh, Pakistan, Somali, iyo Suuriyaan, oo ay la socdeen qoyskooda iyo carruurtooda oo ka imaadeen Liibiya.
Dalka talyaaniga ee qaarada Yurub waxaa gaaray sanadkaan 2016-ka ee sii dhamaanaya dad lagu qiyaasay 180,300 oo qaxooti afrikaan iyo dadka magangalyo-doonka ah kuwaasi oo ku gaaray doonyo.