Taliska Ciidamada Ilaalada Wadooyinka oo Soo Saaray Amaro ku aadan isticaalka Wadada Maka Al-Mukarama

0

Cali Maxamed Cali Taliyaha Ciidamada Ilaalada wadooyinka oo maanta warbahinta kula hadlay Magaalada Muqdisho ayaa sheegay in taliska uu soo saaray amaro cusub oo ku aadan isticaalka wadada Maka Al-Mukarama ee Magaalada Muqdisho.

Waxa uu sheegay Taliyaha  gaadiidka yar yar inaan la dhigi karin wadada Maka Al-Mukarama, islamarkaana cidii gaari halkaasi dhigata ciidamada Ilaalada wadooyinka inay tallaabo sharciga waafaqsan laga  qaadi doono.

Mootooyinka loo yaqaan Bajaajta iyo Gaadiidka waaweyn ee xamuulka qaada ayuu tilmaamay Taliye Cali Maxamed Cali Taliyaha ciidamada Ilaalada wadooyinka in aysan  adeegsan  karin wadada Maka Al-Mukarama ee Magaalada Muqdisho oo hadii halkaasi lagu arko tallaabo sharciga waafaqsan ayagana laga qaadi doono.

Wadada Maka Al-Mukarama ee Magaalada Muqdisho oo kamid ah wadooyinka ugu mashquulka badan muqdisho  waxaa dhowr jeer oo hore ka dhacay Shilal geystay qasaaro dhimasho iyo dhaawac.

 

 

CEVAP VER

Please enter your comment!
Please enter your name here