Xildhibaan Cabdi Barre Jabriil oo kamid ahaa baarlamaankii 9-aad dowladda Soomaaliya ayaa dhaliilshan Safaradda Madaxweynaha Soomaaliya Maxamed Cabdulahi Farmaajo uu ugu ambabaxo dalka dibadiisa.
Farmaajo ayaa markii uu tartanka doorashadda ku jiray balanqaaday inuusan badin doonin safarada sida madaxdii hore, oo shaqo kasto loo baahdo uu u dirayo Wasiirka arimaha dibada
Xildhibaan Jabriil oo la hadlay idaacadda Simba ayaa sheegay in madaxweynaha xiligii ololaha doorashada uu dadka been u sheegay isagoo tilmaamay in safarada madaxweynaha ay bateen wuxuuna nasiib daro ku tilmaamay kharashka ku baxaya safarka madaxweynaha loo baahnaa in dalka wax loogu qabto maadaama dhaqaalaha wadanka uu liito.
Madaxweyne Farmaajo ayaa tan iyo markii uu xafiiska fariistay waxa uu u ambabaxay dhowr safar, Madaxtooyadda Soomaaliya ayaa sheegtay in guulo laga soo hoyay safaradaas.