Dagaal u dhaxeeyay Ciidamadda Dowladda Soomaliya iyo Al-shaabab ayaa xalay ka dhacay Degmadda Afgooye ee Gobolka Shabeelaha hoose.
Dagaalkaan ayaa yimid kadib markii Al-shabaab ay isku dhex qariyeen gaari shacab ay saarnaayeen kadibna ay rasaas huwiyeen ciidamo ku sugnaa bar koontarool oo laga galo degmada.
Inta la xaqiijiyay hal qof oo haweeney aheyd ayaa ku dhimatay labo kalana way ku dhawacmeen kuwaasi oo ay haleeshay rasaastii ay isdhaafsanayeen labada dhinac.
Dhanka kale Saraakiisha degmada Afgooye ayaa sheegay in ciidamada dowladda ay iska caabiyay Al Shabaab, iyadoo aan wax khasaaro ah kasoo gaarin weerarkii gaadmada ahaa ee lagu soo qaadey saldhigooda.
Degmadda Afgooye ee Gobolka Shabeelaha Hoose oo 30KM u jirta Magaaladda Muqdisho waxaa dhowr mar weerar qorshaysan ku qaaday Ciidamadda Al-shabaab.