Puntland waxay sheegtay inay dalacsiin doonto saraakiishii qabtay gaarigii qaraxa waday ee Magaalada Boosaaso lagu qabtay , kadib qoraal kasoo baxay shirkii golaha wasiirada ee Puntland
“Madaxweynaha ayaa hambalyo iyo bogaadin u diray laamaha amniga Puntland guud ahaan, gaar ahaan ciidamada ka howlgala gobolka Bari, oo gacanta ku dhigay qaraxyo waaweyn iyo Al-shabaab-ka maleegayey dhibateynta shacabka Puntland,sidoo kale Madaxweynuhu u balan qaaday dalacsiin iyo maamuus sharafeed ciidan in lagu abaal-marin doono iyaga iyo askarigii ku dhintay qaraxii 23-kii May”,ayuu lagu yiri qoraalka Puntland.
Ciidamada amaanka Maamulka Puntland ayaa todobaadkaan gudihiisa gacanta ku dhigay gaari kuwa waa weyn oo lagu soo raray qaraxyo iyo ragii watay.