Madaxweynaha Maamulka Puntland Dr C/wali Maxamed Cali Gaas ayaa sheegay in aysan marnaba doonaynin in dadkii Puntland ee abaaraha xoolahoodii ku waayay ay noqdaan barakacayaal gacmaha u hoorsada raashinka ay bixiyo Hay’adda WFP ee Qaramada Midoobay.
Madaxweynaha oo ka duulaya isku tashiga Puntland iyo shacabkeeda wuxuu sheegay inay dhaqaale u raadinayaan sidii dadkaas dib xoolo loogu iibin lahaa, si ay ugu laabtaan nolashoodii caadiga ahayd ee miyiga.
Sidoo kale Madaxweynaha Maamulka Puntland ayaa sheegay inay dib u celin u sameynayaan dadkii Puntland ugasoo hayaamay dhulkooda, kuwaas oo soo maciin biday roobabkii yaraa ee dabayaaqadii sanadkii hore ka da’ay gobolada Bari iyo Karkaar, dadkaas oo isaga kala yimid maamulada Soomaaliya.