Wararka ka imaanaya Degmada Afmadow oo ka tirsan Gobolka Jubbada hoose, ayaa ku waramaya in dagaalyahanada Xarakada Al-shabaab ay deegaankaas ka afduubteen Odayaal si weyn looga garanaayay Degmadaasi.
Mas’uuliyiin ka tirsan Degmada Afmadow oo ka tirsan Gobolka Jubbada hoose ayaa xaqiijiyay in dagaalyanada Xarakada Al-shabaab ay deegaankaas ka afduubteen labo Nabadoon oo si weyn looga garanaayay degamada , magacyadooda ayaa lagu kal sheegay labada nabadoon Saalax Bashiir iyo Saleebaan Cali Xaydar.
Dhanka kale Xarakada Shabaab ayaa la xaqiijiyay in labadaan odey ay ula dhaqaaqeen dhanka Degmada Jilib ee Gobolka Jubbada Dhexe, oo kamid ah deeganada ay xiligaan ku xoogan yihiin.