Ajaaniibtaan ay siidaayeen Burcad Badeeda Soomalida oo gaarayay 26-nin oo kasoo kala jeeda Wadamada Indonesia, China, Philippines, Vietnam iyo Taiwan, ayaa gaaray magaalada Nairobi ee Caasimada dalka Kenya.
Garoonka Diyaaradaha Jomo Kenyatta ee magaalada Nairobi ee Caasimada dalka Kenya waxaa ka dagtay Diyaaradda siday Ajaaniibtaan ay siidaayeen Burcad Badeeda Soomaliya oo gaarayay tiro ahaan 26-nin oo kasoo kala jeeda Wadamada Indonesia, China, Philippines, Vietnam iyo Taiwan.
Ajaanibtaan waxaa Garoonka Diyaaradaha Jomo Kenyatta kusoo dhaweeyay safiirada wadamada ay kasoo jeedaan Ajaaniibtan la siidaayay iyo dad Eheladooda ah, waxaana la filayaa in ay usii duulaan wadamadii ay ka yimaadeen si ay ula midoobaan eheladooda.
Kooxaha Burcad Badeeda Soomalida ayaa ajaanibtaan ku hayay sanadihii dambe qeybo kamid ah Gobolka Mudug, waxaana inta la heestay Ajaaniibtaan saddex nin oo kamid ahaa la sheegay in ay u geeriyoodeen Cuduro halka 26-kii harayna hada dib u heleen Xuriyadooda.
Lacag lagu qiyaasay 3-miliion oo dollar-ka mareykanka ayaa la sheegay in la siiyay kooxaha burcad Badeeda Soomalida sidaasna ay kusii daayeen ajaanibta.
