Wararka ka imaanaya Magaalada Garoowe ee Caasimada Maamulka Puntland , ayaa ku waramaya in gelinkii dambe ee maanta ay ciidan gadoodsan la wareegeen gacan ku haynta Xarunta Bankiga Dhexe ee Garoowe.
Ciidamada Sirdoonka Puntland ee PIA (Puntland Intelligence Agency) oo ka cabanaya mushaaraad la’aan muddo toddobo bilood ah, ayaa si rasmi ah ula wareegay gacan ku haynta Xarunta Bankiga, ee Magaalada Garoowe ee Caasimada Maamulka Puntland, Ciidamadan, ayaa waxaa lagu waramayaa in ay halkaasi ka eryeen ilaaladii, mana jirin wax iska horimaad ah oo goobtaasi ku dhex maray.
Ilaa haatan ma jiro wax war ah oo kasoo Maamulka Puntland oo ay ugu hadlayaan la wareegitaanka Ciidamada gadoodsan ee galabta la wareegay Xarunta Bankiga Dhexe ee Garoowe.

