Ciidamada Xoogga dalka Soomaliyeed gaar ahaan kuwa Danab ayaa la sheegay in Howlgal qorshaysan ay ka fuliyeen deeegaano ka Tirsan Gobolka Shabeelaha Hoose ay ku dileen Madaxii Al-Shabaab u qaabilsanaa degmada Qoryooleey iyo lix askar oo la socotay.
Afhayeenka Wasaaradda Amniga ee Xukuumadda Soomaaliya Cabdikaamil Macalin Shukri oo la hadlay Warbaahinta ayaa sheegay in ciidamada ay ku guuleysteen dilka Madaxiii Shabaabka u qaabilsanaa degmada Qoryooleey iyo askar kale oo la socday, waxaana uu intaa ku daray in ciidamada ay joogteen doonaan howlgallada ka dhanka ah Al-Shabaab.
Mudane Cabdikaamil Macalin Shukri Afhayeenka Wasaaradda Amniga ayaa hadalkiisa ku daray in Howlgalo kale ay qorshaynayaan dhawaan laga fulin doono qeybo badan oo ka Tirsan Gobolada dalka Soomaliya oo ay ku sugan yihiin Xarakada Al-shabaab.

