Madaxweynaha Soomaliya Mudane Xasan Shiikh Maxamuud ayaa saxiixay Sharciga Axsaabta Siyaasadda ee dalka oo dhawaan ay meel mariyeen Xildhibaanada Baarlamanka Federaalka Soomaliya.
Munaasabad lagu qabtay Xarunta Madaxtooyada Somaliya, ayaa waxaa ka qaybgalay Madaxda Qaranka, Xildhibaano, Siyaasiyiinta Xisbiyada qaarkood, Guddiga Doorashooyinka iyo xubno kale.
Ugu Horeyntii Madaxweynaha Soomaliya Mudane Xasan Sheekh Maxamuud ka hadlay munaasabadaasi, ayaa sheegay Xisbiyasadda Siyaasadda in looga baahan yahay inay noqdaan kuwo ku dhisan ajandayaal siyaasadeed, oo lagu horumarin karo dalka iyo dadka.
Dhanka kale Gudoomiyaha Baarlamaanka Somaliya, Prof. Maxamed Sheekh Cismaan Jawaari oo isna ka hadlaayay munaasabadaan, ayaa sheegay in shaqooyinkii ugu muhiimsanaa lagu meelmariyay Kalfadhigii 8-aad ee Baarlamaanka laga tilmaami karo ansaxinta Sharciyada Axsaabta Siyaasadda,





