Guddoomiyaha Xisbiga Mucaaradka Somaliland ee UCID Faysal Cali Waraabe oo waraysi gaar ah siiyey Idaacada Simba ee Magaalada Muqdisho ayaa ku baaqay in Dib loo soo Celiyo 8-Gobal ee Dalka Soomaaliya uu ka Koobnaa wixii ka Horeeyey Midowgii Gobalada Waqooyiga iyo Koonfurta Jamhuuriyada Soomaaliya ee Sanadkii 1960.
Faysal Cali Waraabe ayaa Tilmaamay Gobalada Koonfur iyo Waqooyi oo dib u midoobaa Ku Xiran tahay Dib loogu laabto Hanaankii Dhanka Gobalada ee Xiligii Gumaysigii Islamarkaan Afti loo qaado Maamulka Soomaaliland uu la midoobo Soomaaliya inteeda kale iyo inay Noqoto Dal Madaxbanaan.
Dhanka kale Guddoomiyaha Xisbiga Mucaaradka Somaliland ee UCID Faysal Cali Waraabe ayaa Sheegay in ay Muhiim tahay in Xoogga la Saaro sidii loogu heli lahaa Xasilooni Siyaasadeed iyo Amni Gobolada Koonfurta dalka Soomaliya taasina ay sahli karto in aqoonsi ay hesho Somali-land.