Maamulka Koonfur Galbeed soomaliya ayaa Habeenkii xalay ahaa Madaxtooyada Maamulkaas Xaflad Soo Dhaweyn aheyd Ugu Sameeyey Wafdi Caalami ah oo Ka Socda Dowlada Taliyaaniga Kuwaasoo Doonaya in Degaanada Koonfur Galbeed Soomaaliya ay ka Fuliyaan Mashaariic kala duwan.
Munaasabada waxaa ka qeyb madaxweynaha Koonfur Galbeed soomaliya Mudane Shariif Xasan Shiikh aadan, Gudoomiyaha Baarlamanka Koonfur Galbeed soomaliya C/qaadir Shariif Sheequna Maye, wasiiro , Xildhibaano, Safiirka Dowlada Talyaaniga ee soomaliya iyo Mas’uuliyiin kale.
Ugu Horeyntii Safiirka dowlada Talyaaniga ee Soomaliya Mr Fabrizio Marcelli, oo Munaasabada ka Hadlay ayaa sheegay in dowlada Talyaaniga ay mar walba garab taagan tahay maamulka Koonfur Galbeed soomaliya.
Dowlada Taliyaaniga ayaa waxay horaantii sanadkan Koonfur Galbeed Soomaaliya ugu deeqdey Radio FM ah oo ku hadla Afka Maamulka Kaasoo hadda si weyn looga dhageysto Magaalada Baydhabo iyo Nawaaxigeed.
