Xarakada al-shabaab ayaa soo bandhigtay ciidamo cusub oo ay ka aasaastay degaanada ay ka joogaan Gobolada Jubooyinka iyo Gedo ee koonfurta Soomaaliya.
Ciidankan ayaan wadan wax hub ah balse waxay qaataan dareys u gaar ah iyo gaadiid magacooda lagu qoray oo ay ku howlgalaan.
Mas’uuliyiin ka Tirsan al-shabaab oo la hadlay Warbaahinta taageerta Al-shabaab ayaa sheegay in ciidamadan laga howlgeliyey markii ugu horeysay degmada Jilib ee gobolka Jubada dhexe, waxayna intaa ku dareen in ciidamadan ay yihiin kuwo Xisbo ah oo ku shaqeynaya nidaam ka duwan kuwii hore.
