Dhammaanba Deegaanada Soomaalida, ayaa waxaa maanta looga ciidayaa si isu midda, Kadib markii ay dadka dhameysteen Maalinta 30-aad ee Bisha Barakeysan ee ramadaan.
Gobolada Koonfurta iyo Bartamaha, Puntland, Somaliland, Jabuuti, Dowlad Deegaanka Soomaalida Itoobiya iyo Gobolka Waqooyi Bari Kenya oo Soomaalidu degto, ayaa laga wada ciidayaa.
Magaalooyinka Xeraale, Dhuusamareeb, Guriceel iyo Matabaan oo ay ka arrimiso Ahlu Sunada Gobolada Dhexe, ayaa saakay waxaa laga tukanayaa Salaadda Ciidda, walow 29 maalmood oo keliya laga soomay.
Mas’uuliyiin ka tirsan Maamulka Gobolada Dhexe ee Ahlusuna waljameeca oo la hadlay ayaa sheegay in laga iclaamiyay deeganada Maamulkaas in maanta ay tahay Maalinta Kowaad ee Ciidul Fidriga madaama dadka Gobolada dhexe ay dhameysteen 29-bari.