Madaxweyne Ku Xigeenka Puntland oo Kaga Qayb Galay Xuska 25-aad oo ku beegan Markii Ay Qawmiyadaha Ethiopia Iska Dul Qaadeen Xukunkii Kaligii Taliska Ahaa ee Mingiste.

0

Madaxweyne Ku Xigeenka  Puntland Eng. Cabdixakiin Xaji Cabdullahi Cumar Camey ayaa caasimadda Garoowe  kaga qayb galay munaasabad lagu maamuusayay 25-sano guuradii kasoo wareegtay markii ay qawmiyadaha Ethiopia iska dul qaadeen xukunkii kaligii taliska ahaa ee Mingiste Xayle Maryam, kaasi oo sanado badan xukumayey ethiopia.

Munaasabadda oo ay soo qaban qaabsiay qunsuliyadda  Ethiopia ay ku leedahay Puntland gaar ahaana caasimadda Garoowe ayaa waxaa sidoo kale ka qayb galay masuuliyiin kala duwan oo ka tirsan golayaasha  Puntland, Jaaliyadda ethiopia ee ku nool Puntland, aqoon yahano, odayaasha dhaqanka, arday, haween iyo qaybaha kale ee bulshada, waxayna dhamaantood farxadda iyo damaashaadka la qaybsadeen qowmiyadaha kala duwan ee Ethiopia oo 25-sano kadib u dabaal degaya horumarka ay ku tallaabsadeen.

Qunsulka Ethiopia ee Puntland Mudane Asmalaash ayaa madaxda iyo shacabka Puntland kusoo dhoweeyey maalintan aadka ugu weyn qowmiyadaha kala duwan ee Ethiopia, wuxuuna uga mahad celiyay sida wanaagsan ee ay farxadda ula qaybsadeen.

Madaxweyne Ku Xigeenka  Puntland Eng. Cabdixakiin Xaji Cabdullahi Cumar Camey ayaa shacabka iyo Dawladda Ethiopia kubogaadiyay horumarka wanaagsan ee ay ku tallaabsadeen 25-sano kadib, waqtigaas oo ay iska tuureen xukunkii kaligii taliska ahaa ee Mingiste Xayle Maryam.

IMG_9533 IMG_9537 IMG_9556 IMG_9558

CEVAP VER

Please enter your comment!
Please enter your name here