Kulan loogu hadlaayay Isku Dhafka Ciidamada Qalabka Sida ee Soomaaliya iyo sidii loo tayeen lahaa Ciidanka Soomaaliya ayaa lagu qabtay Magaalada Muqdisho,
Kulanka ayaa shir gudoominayay Raisuwasaare Ku Xigeenka XFS Mudane Maxamed Cumar Carte waxaa ka qaygalay Safiirada Dalalka Mareykanka, Ingiriiska iyo Imaaraadka Carabta, waxaa sidoo kale goob joog ka ahaa Wasiiru dowlaha Wasaaradda Difaaca iyo Wasiir Ku xigeenka Arrimaha Dibadda Soomaaliya.
Mudane Maxamed Cumar Carte Raisulwasaare ku-xigeenka Xukuumada Soomaliya ayaa faah-faahin ka bixiyay halka ay marayaan isku dhafka ciidamada qalabka sida ee dowlada soomaliya iyo kuwa maamul Goboleedyada dalka ka jira.
Safiirada Dalalka Mareykanka, Ingiriiska iyo Imaaraadka Carabta, ee ka qeybgalay kulanka ayaa u sheegay Raisuwasaare ku xigeenka Soomaaliya in ay diyaar u yihiin taageerada iyo isku dhafka ciidanka Qalabka Sida ee Soomaaliya.












