Wasaaradda arrimaha dibada dalka kazakhistaan ayaa sheegtay in laba muwaadin oo dalkeeda u dhalatay ay ka badbaadeen weerarkii isbuucii tagay loo geestay diyaarada daallo airlines .
Labada nin ee ka badbaaday qaraxaasi daallo qabsaday ayaa magacyadooda ay ku sheegtay wasaaradda arrimaha dibada dalka kazakhistaan Sergey Severin iyo Nikolay Bochkarev .
Afhayeenka wasaaradda arrimaha dibada kazakhistaan Anuar Zhainakov ayaa wargeyska Kazinform u sheegay in labada muwaadin ee u dhashay kazakhistaan ay la socdeen dulimaadka diyaaradda daallo airlines ee ahaa Airbus A321 , waxaana afhayeenka uu intaasi ku daray in hada labadaasi nin ay ku sugan yihiin magaalada muqdisho.
Muwaadiniinta kazakhataan ee qaraxaasi ka badbaaday ayaa u shaqeenayey hay-adaha qaramada midoobe ee ka howl galo soomaaliya.
Qofkii isqarxiyey ayaa qaraxa ku dhintay halka laba ruux oo ka mida ahaa rakaabkii diyaaradaasi daallo ay ku dhaawacmeen.