Waxaa Maanta Magaalada Muqdisho ee caasimada soomaliya gaar ahaan xarunta Golaha shacabka ka Furmi doona Kalfadhigii 7-aad ee Mudanayaasha Baarlamanka soomaliya
Habdhowraha baarlamanka soomaliya xildhibaan Maxamed Cumar Maxamuud oo la Hadlay idaacada simba ayaa sheegay in maanta uu Furmi doono Kalfadhigii 7-aad ee Mudanayaasha Baarlamanka soomaliya isagoona sidoo kale Tilmaamay in kulanka Maanta uu yahay xaflada Furitaanka Kalfadhiga 7-aad
Gudoomiyaha Baarlamanka soomaliya Pro: Maxamed shiikh cusmaan oo war qoraal ah soo saaray habeenkii xalay ahaa ayaa dhamaan xildhibaanada Baarlamanka soomaliya ugu Baaqay in ay kasoo qeyb Galaan xaflada Furitaanka Kalfadhiga 7-aad ee Golaha shacabka
Sidoo kale Maxamed sheikh Cusmaan Jawaari ayaa sheegay In Mudanayaasha Baarlamanka soomaliya ay Horyaalaan shaqooyin badan kuwasoo loo baahan yahay in wax laga qabto
Amaanka wadooyinka soo Gala xarunta Golaha shacabka soomaliya ayaa aad loo adkeeyay waxaana lagu arkayaa ciidamo ka Tirsan kuwa dowlada soomaliya iyo ciidamada Midowga africa ee amisom
Waa kalfadhigii 7-aad ee Golaha shacabka soomaliya waxaa kulamada Baarlamanka soomaliya ka Harsan kalfadhiyada 7-aad iyo 8-aad, kulamada Baarlamanka soomaliya ayaa soo xirmi doona Bisha August ee Sanadka 2016

