Dowladda Sacuudi Arabia ayaa dib u dhigi doono Mushaariic ay Soomaliya ka fulin laheyd hadii Dowladda Federaalka Soomaliya ay ku adkeysato go’aankeeda ah in aysan xiriirka u jarin Dowladda Qatar.
Mashaariicdaan ayaa Dowladda Sacuudi Arabi ay Soomaliya u balan qaaday kadib markii madaxweynaha Soomaliya Maxamed C/laahi maxamed (farmaajo) uu booqasho ku tagay dalkaas iyadoo loo balan qaaday in dib u dhis dalka Soomaliya lagu sameyn doono.
Dowladda Federaalka Soomaliya uu hogaamiye madaxweyne Farmaajo aaya dhex-dhaaxaad ka noqotay khilaafka wadamada Khaliifka, waxayna sheegtay in ay ka qeyb qaadanayso xasilinta khilaafkaas.
Haddaba Akhriso liiska mashaariicda ay Sacuudiga ka fullin rabtay Soomaaliya ee u baaqday Qatar darteed:
- Dhismaha Garoon Diyaaradeed Caalami ah, kaasoo laga dhisi lahaa Duleedka Muqdisho
- Dhismaha Wado ilaa 230 KM oo aan la cayimin halka laga dhisi lahaa/
- Dhismaha xarun cusub oo Madaxtooyada Soomaaliya, taasoo la doonayo in laga dhiso banaanka Muqdisho.
- Dib u howlgelinta Shirkadii Diyaaradaha Somali Airlines iyo diyaarado la siinayo Soomaaliya si howshaas dib loogu soo celiyo.
- Dhisme iyo dayactir ilaa 6 Dekadood oo ku kala yaal qeybaha kala duwan ee Soomaaliya.
- Mashaariic horumainta Beeraha iyo Xoolaha si sare loogu qaado wax soo saarka Soomaaliya.
- Mashaariic shaqo abuur oo aan tiro ahaan si rasmi ah loo cayimin.