Xubnaha aqalka Sare ee dalka ayaa maanta Magacaabay Guddi ka shaqeeya doorashada Gudoomiyaha xubnaha aqalka Sare iyo Ku-xigeenadiisa.
Ilaa lix xubnood ayaa loo xil saaray doorashada Gudoomiyaha aqalka Sare iyo Ku-xigeenadiisa, kuwaasi oo ka kala socda Maamulada Goboleedyada dalka sida Puntland, Galmudug, Koonfur Galbeed Soomaliya, Jubba-land iyo Hir-shabeelle, waa sida xubnaha ay ku heshiiyeen.
- Senator Maxamed cusmaan Faarax (Dhagajuun) oo laga soo doortay Maamulka Hir Shabeelle waxaa loo magacaabay gudoomiyaha Guddiga.
- Senator Jawaahir Axmed Cilmi ka socota Maamulka Galmudug.
- Senator Farxaan Cali Xuseen ka socda Maamulka Puntland.
- 4.C/llaahi Sheekh Ismaaciil Fartaag ka socda Maamulka Jubbaland.
- Senator C/risaaq Axmed Cali ka socda Maamulka Somaliland.
- Senator Xuseen Sheekh Maxamuud ka socda Maamulka Koonfur Galbeed.
Dhanka kale 21-bishaan Junuary oo ku beegan maalinta sabtida ah ayaa la xaqiijiyay in ay dhici doono doorashada Gudoomiyaha xubnaha aqalka Sare ee dalka.

