Wafdi uu Hogaaminaayo Wakiilka gaarka ah ee Qaramada Midoobay u qaabilsan Arrimaha Soomaaliya Denjire Micheal Keating ayaa maanta Gaaray Magaalada Cadaado ee caasimada KMG ee Maamulka Galmudug.
Garoonka diyaaradaha Magaalada Cadaado Caasimada KMG ee Maamulka Galmudug wafdigaan waxaa kusoo dhaweeyay Mas’uuliyiin ka tirsan Maamulka Galmudug, saraakiil Ciidan, iyo Mas’uuliyiin kale.
Intuu ku sugan yahay Magaalada Cadaado Denjire Micheal Keating waxa uu kulamo la qaadan doonaa Madaxda ugu sareysa maamulka Galmudug iyo Guddiga doorashooyinka heer dowlad Goboleed galmudug isagoo kala hadli doona halka ay marayaan doorashada aqalka Hoose ee baarlamanka Federaalka Soomaliya ka imaanaya deeganada Maamulkaas.