Maamulka Gobolka Banaadir ayaa sheegay in amni darada ka jirta Magaalada Muqdisho ee Caasimada Soomaliya ay qayb ka tahay Qudaarta lasoo galiyo Magalaada eek u timaada Gobolada dalka Soomaliya.
Gudoomiyaha Gobolka Banaadir ahna duqa Magaalada Muqdisho Shiikh Yuusuf Xuseen Jimcaale(Madaale) oo maanta warbaahinta kula hadlay suuqa Ceel Garweyne ee degmada Holwadaag ayaa sheegay in Gawaarida sida qudaarta ee ka timaada Gobolada dalka Soomaliya ee timaada Magaalada Muqdisho ay qeyb ka yihiin amni darada ka jirta Magaalada.
“Waxaad la socotiin Arrimaha amniga baryahaan dambe waxaa soo badanayay in Gawaarida ka timaada Gobolada dalka ee qudaarta keenta Magalada Muqdisho in lagu soo dhex qariyo waxyaabaha qarxa, Hay’addaha amniga arintaas dhibaato ayay kala kulmeen”, ayuu yiri Gudoomiyaha Gobolka Banaadir Shiikh Yuusf Xuseen Jimcaale.
Sidoo kale Gudoomiyaha Gobolka Banaadir Shiikh Yuusf Xuseen Jimcaale ayaa sheegay in wixii ka dambeeya maanta in Gawaarida ka timaada Gobolada dalka Soomaliya ee Qudaarta keenta Magaalada Muqdisho ee Caasimada Soomaliya in ay si toos ah u tagayaan Suuqa Ceel-garweyne halkii ay xiligii hore ka tagi jireen Suuqa Bakaaraha.