Dowlada Soomaliya ayaa mar kale ugu baaqday Dhalinyarada ka Tirsan Xarakada Al-shabaab in ay isaga soo baxaan islamarkaana ay ka faaideystaan Cafiska ay dowlada u Fidisay.
Wasiirka Amniga Gudaha ee Xukuumadda Soomaaliya Mudane Cabdirisaaq Maxamed Cumar oo Warbaahinta kula hadlay Magaalada Muqdisho ayaa mar kale ugu baaqay Dhalinyarada u dagaalanta Xarakada Al-shabaab in ay ka faaideystaan Cafiska ay Dowlada Soomaliya u Fidisay.
Sidoo kale Wasiirka Amniga Gudaha Xukuumadda Sooomaliya ayaa qiray in dowladdu ay fursado kala duwan u fidisay dhalintii horey uga soo goosatay Xarakada Al-Shabaab, isagoo xusay in la qaato baaqii Madaxweynaha Soomaaliya Mudane Xasan Shiikh Maxamuud ee ahaa in Dhallinyarada Al-shabaab loo fidinayo cafis guud.
Dowlada Soomaliya ayaa dhowr jeer oo hore ku celcelisay in cafis loo fadinaayo Dhalinyarada ka tirsan Xarakada Al-shabaab, oo aaminsan la dagaalanka Ciidamada Dowlada Soomaliya iyo Ciidamada Midowga afrika ee Amisom.