Kulan loogu hadlaayay amaanka Gobolka Banaadir ayaa maanta lagu qabtay xarunta Gobolka Banaadir ee Magaalada Muqdisho.
Waxaa kulanka shir gudoominayay wasiirka arrimaha Gudaha iyo Federaalka Xukuumada Soomaliya C/raxmaan Maxamed Xuseen Odawaa waxaana ka qeyb galay Maxamed Axmed Diriye Gudoomiye ku xigeenka Gobolka ee Dhinaca siyaasadda , qaar kamid ah Gudoomiyayaasha degmooyinka Gobolka Banaadir, Taliyayaasha booliska degmooyinka Gobolka Banaadir.
Ugu horeyntii Wasiirka Arrimaha Gudaha iyo Federaalka C/raxmaan Maxamed Xuseen (Odawaa), oo kulanka ka hadlay ayaa maamulka gobolka ku amaanay sida ay wax uga qabteen amaanka Gobolka iyo dhismaha wadooyin kuyaala magaalada Muqdisho.
Kulanka Intuu socday ayaa intiisa badan waxaa diirada lagu saaray sidii loo sugi lahaa amaanka Gobolka Banaadir oo maalmihii dambe aad usoo xumaanayay.
an