Taliska Booliska Gobolka Banaadir ayaa maanta soo bandhigay Labo nin oo dhalinyaro ah oo ay sheegeen in ay dhac u geysan jireen dadka ku nool Magaalada Muqdisho.
Taliyaha Qaybta Guud ee Booliska Gobolka Banaadir Mudane Cali Xersi Barre “Cali Gaab” ayaa sheegay ciidamada Saldhiga Degmada Heliwaa in ay ku guuleysteen soo qabashada raggaan.
Mudane Cali Gaab waxa uu sheegay in raggaan iyaga oo wata gaari yar Moobeelada ay kaga dafi jireen dhalinyarada yar yar iyo dadka Suuqa adeega ka doonta, ugu dambeena ay gacanta kusoo dhigeen ciidamada booliska degmada Heliwaa.
Taliyaha Qaybta Guud ee Booliska Gobolka Banaadir Cali Xersi Barre “Cali Gaab” ayaa sheegay in raggaan loo gudbin doono xabsiga dhexe ee dalka madaama ay ahaayeen rag u bareeray dhicida shacabka soomaliyeed.
