Dadka Deegaanka jaziirada laamu ee Dalka Kenya ayaa sheegay in ay arkeen Ciidamo fara badan oo dalkaasi u dhashay kuwaa oo Howlgalo ka wada jaziiraddaasi.
Dadka ayaa warbaahinta Kenya u sheegay in ciidamadaani ay u sheegeen in ay adkeynayaan xaaladda Amaanka ee dalkaasi gaar ahaan jaziiradda laamu oo ay sheegeen in ay ka baqdin qabaan in Al-Shabaab weeraro ka fuliyaan.
Ciidamadaani la geeyey jaziiradda laamu ee Dalka Kenya ayaa la sheegayaa in ay yihiin militariga dalkaasi iyagoona aad u hubeysan misane wata gawaaridda dagaalka sida dabaabaadka dagaalka.
Ciidamada Kenya ayaa wada Howlgalo ay ku sheegeen in ay ku baadi goobayaan dagaal yahano Katirsan Al-Shabaab kuwaa oo ay sheegeen in ay kasoo talaabaan Deegaanada u dhaxeeya ama u dhaw dalalka Soomaaliya iyo Kenya.
Dowlada kenya ayaa dhawaan sheegtay in jaziiradda laamu ay kamid tahay goobo marar badan Xarakada Al-Shabaab ay weeraro ka geysteen hase yeeshee wixii xiligaani ka dambeeya aysan udul qaadan doonin weeraro kale oo ka dhacay jaziiraddaasi.